french toast with cheese
المقادير: بيضه توست أبيض أو بر جبن شرايح زبده الطريقه : نغمس التوست في البيض بعد خفقه ونحطه في مقلى فيها قطعة زبده بعدين لما يتحمر من الجهتين كويس نضيف قطعة جبن مثل الصوره : نتركها شوي يذووب الجبن بعدين نصب عليها عسل وبالعافيه
صينية الخضار بالصوص الأبيض المقادير : الخضار اللي تحبينها المثلجه أو الطازجه بهارات , انا استخدمت هالبهارات : صوص ابيض يجي مثل الباشاميل بس طعمه أليييم جبن موزريلا + بارميزان حليب زبده الطريقه : نقطع الخضار قطع صغار نقلي البطاطس والجزر او اذا مو حابين تقدرون تسلقونهم تجي أخف ومافي زيادة كالوريز نضيف البهارات على الخضار وفي هالوقت نسوي الصوص الأبيض بكتب طريقة الصوص الأبيض تحت هالرد عشان مايصير لخبطه ونضيف الصوص وجبن البارميزان على الخضار واحط الباقي من الصوص ونرش فوقه جبن موزاريلا وندخله للفرن نخليه يطبخ شوي , ويتحمر من فووق شوي وهذا صحني بالعافيه
الصوص الأبيض هذي صورته : طريقته مكتوبه ورا ملعقتين من الصوص الأبيض + ملعقين مويه نخلطهم مع بعض كويس وعلى النار نحط تقريباً كاسة حليب + ملعقتين زبده لما يغلي الحليب نضيف الصوص ونخليه على النار لما يثقل معانا وبس
club sandwich المقادير : توست ابيض او بر خس مرتديلا اي نوع حابته وبأي اضافات مايونيز بيضه فلفل اسود ملح زبده بقدونس جبن شرايح كاتشب blue cheese dressing Ranch dressing thousand island dressing الطريقه : تاخذين حبة توست وتدهنينه بمايونيز تكونين مسويه قرص بيضه بملح وفلقل وتحطينه فوق المايونيز وتصبين عليه شوي من Ranch dressing التوست الثاني : تاخذين قطعة زبده صغيره وتحطين معها بقدونس مجفف وتحطين التوست خليها تاخذ لون وحطيها فوق الـ Ranch dressing وحطي فوقها جبن شرايح و blue cheese dressing وحطي المرتديلا والخس وحطي فوقهم الـ thousand island dressing وشوية كاتشب وقفليهم بتوست بالعافيه
المقلوبه الطريقه اخذتها من مضاربة ماتهاب تستاهل التجربه مضاربه ازعجت كل اللي اعرفهم فيها المقادير : دجاجه مغسوله زين و مقطعه الى 8 قطع - انا مااستخدمت دجاجه استخدمت صدور دجاج بصل مفروم ناعم فلفل اخضر جوانح حبة طماطم مفرومة فرم ناعم بطاطس وجزر مقطعين شرايح بالعرض ومقلية بالزيت بس لاتخلين الخضار يتحمر الرز مغسول ومنقوع ربع ساعة تقريبا الطريقه : حطي في القدر الي بتطبخين فيه شوية زيت وحمري البصل والفلفل الاخضر مع مكعب ماجي بعدها حطي الدجاج وخلي النار في هالوقت وسط تقريبا حطي البهارات المشكلة ورشة هيل مطحون وشوية كمون وكزبرة ناشفة وفلفل اسود : اذا حسيتي ان الدجاج بدا ياخذ لون اشقر حطي حبة الطماط وحركيهم : في هالوقت اقصري النار على اقل شي وغطي القدر وخليهم يستون بسوائل الي من الدجاج والطماط كل 10 دقايق روحي شوفي الدجاج وقلبيه واذا حسيتيه بينشف وبيلصق زيدي كاسة موية صغيرة اتركيه 20 دقيقة على نار هادية بعدها جيبي مغرفة الشوربة وشيلي من الموية الي مع الدجاج والبهارات قد باديه صغيرة او مغرفة كبيرة الي بيطلع معك واتركيه على جنب بعدين بقولك وش بنسوي فيه بعدها حطي الخضار المقلية وحاولي ينخلطون مع الدجاج والكشنة من غير مايتقطع الخضار واتركيهم على نار مرررة هادية علشان مايلصق ذوقي الملح اذا يبي زيادة في هالوقت رايح تكونين غسلتي الرز وناقعته جهزي موية الرز تكون حارة تغلي وفيها عود قرفة و3 حبات هيل و3 حبات مسمار وشوية زيت وملح حطي الرز والموية تغلي وخليك واقفة لاتروحين وتتركينه والنار مرتفعة كلها 4 دقايق تقريبا وذوقي حبة الرز اذا صارت مستويه شوي مو لينه مرة طفي على النار وصفي الرز اذا نزلت كل موية الرز المسلوق حطية فوق الدجاج والخضار واتركيه على نار مرررة وغطية جيبي المرق الي شلتيه من كشنة الدجاج وحطي معه شوية زعفران وملعقة الشاي الصغيرة موية ورد وحطيه فوق الرز وغطيه بقصدير بعدين غطا القدر واتركيه ربع ساعة وبعدها افتحي القصدير وبتشوفين كيف الريحة الزينة والطعم الازين وبإذن الله ماراح يلصق شي ولاينحاس لان الرز ماكان مستوي مرة في السلق كمل استواه على المرق الي حطيتيه وعلى البخار لانك حطيتي القصدير والخضار ماخليناه يطول مع الدجاج لانه مقلي حاولي تغرفينه بطريقة القلب في صحن دائري كبير شكراً مضاربه بـ حجم هالكون بالعافيه
Toast with cheese & egg المقادير : طماطم حبه صغيره شرايح خس امريكي بيضه فلفل اسود وملح ورشة بهارات مايونيز جبن شرايح جبن سائل توست الطريقه : نسوي البيض بالمقلاة ونضيف له الملح وشوية بهارات وفلفل اسود وندهن التوست بالجبن السائل والمايونيز ونضيف الخس والطماط والبيض وجبن الشرايح وبالعافيه