الشركه اللى صنعت القاطره HENSCHEL (هنشل)ومقرها بمدينه KASSEL بألمانيا الغربيه. تم بدأ تسليم قاطرات هنشل للحكومه المصريه من بدايه سنه 1979 وتم توافد القاطرات لمصر حتى عام 1985 الى ان اصبحت مصر اضخم عميل لشركات هنشل الالمانيه ومفيش اى دوله حققت مبيعات ضخمه للشركه زى مصر يبلغ وزن القاطره هنشل 122 طن وطولها 20900 مم والسرعه القصوى لها 120 كيلو متر فى الساعه طبقا لحدود امان سرعات قطارات الركاب على الخطوط المصريه وبالنسبه لمجال الاستخدام فتم تصميم القاطره هنشل على التعامل مع خدمات الركاب والبضائع فى نفس الوقت واثبتت نفسها فى تحقيق الكفاءه العاليه خصوصا فى عمليات نقل الركاب على الخطوط الرئيسيه. بعد دخول قاطرات هنشل لمصر تم تشغيلها على الخطوط الرئيسيه على القطارات السريعه حتى بدات بعد فتره من الوقت الدخول للخطوط الفرعيه على القطارات السريعه برضه وبعض القطارات العاديه ولكن المهمه. تستخدم قاطرات هنشل فى انظمه الامداد على الخطوط الرئيسيه وخصوصا خطوط وجه قبلى وانا كمان شفتها فى نظام امداد الجنوب لمحطه طنطا وانظمه الامداد الرئيسيه بالحوش المركزى لمحطه مصر . تستخدم كمان قاطرات هنشل على الخط الواصل بين محطه اسوان ومحطه السد العالى نظرا لوجود مرتفعات بالارض هبتحتاج لقاطرات ثقيله للتغلب على المرتفعات دى كمان بيتم استخدان قاطرات هنشل فى خدمات البضائع الثقيله والمهمه والتى تحتاج لسرعه فى النقل مثل قطارات الصهاريج المحمله بالبنزين او اى مشتقات للبترول كمان بيتم استخدامها فى قطارات الاسمنت وخام الحديد . تبلغ قدره قاطرات هنشل 2475 حصان ونظام نقل السرعات لها كهربى بنظام D77 لنقل السرعات. كده تقريبا غطيت الشريحه الخامسه واتمنى انكم تكونوا استفدتم من المعلومات ودلوقت نروح مع الصور ونرجع تانى مع الشريحه السادسه قاطره هنشل مع قطار فرنساوى متجه للاقصر قاطره هنشل متوقفه بقطار ثقيل من الصهاريج على خط المخزن قاطره هنشل مع قطار فرنساوى بأقصى سرعتها ومتجهه للاقصر قاطره هنشل متجه جنوبا مع اكسبريس بأقصى سرعه