انا بقا هرغي كتير فلازم تقروه علشان تفهموا اتفقنا .. أجمل إحساس في الدنيا هو النضااافة وكلنا متفقين على كدا .. كلنا لما بنشيل شعر الجسم بنكون حاسين بالنضافة واللى بيأخرنا اننا نعمل تانى هو الشعر الصغير اللى تحت الجلد واللى بنستناه يطلع بالأسابيع .. وهو بقا مأنتخ تحت الجلد ولا هامه حاجة .. طب ما هنقول احنا بنعمل سكرب للجسم اللى هى السنفرة او بنستخدم الليفة المغربية .. والله يابنات فينا ناس بتكسل خصوصا في الشتا وعلشان بنضطر نفضل من غير هدوم فترة كبيرة
وانا الحمدلله لقيت الحل وقولت أفيد اخواتى وحبايبي
الحل هو الــمـــبــرد الخــشبـــي . والمبرد الخشبي اصلا للقدمين للتنعيم وإزالة الجلد الميت .. بس أنا استخدمته إستخدام تااانى .. حطيت رجلى على الكرسي وعملت حركات دائرية بالمبرد على رجلى وبالتحديد على النقط السودة اللى هى اساسااا شعر تحت الجلد .. والحمدلله الشعر طلع والجلد الميت اتشال .. اعملى حركت دائرية في اتجاه عقارب الساعه وعكس عقارب الساعه بصي بقا هتخلصي وهتغسلي رجليكي وبعدين تحطي زيت جونسون بتاع الأطفال علشان تهدي الجلد .. والكلام دا هيكون قبل النوم ومش هياخد منك نص ساعه ان شاء لله وتصحي تعملى مرة كمان على خفيف او متعمليش عادي الخطوة دى اختيارية .. وبعدين اعملى بالسويت او بالبراون وشوفي رجليكي والبياض ماشاء الله ومش هيكون في نقط سودة ولا شعر تحت الجلد .. ودا في وجهة نظرى افضل من الاسكرب لانه سهل وسريع ومش محتاج مية ولا صابون مغربي وليفة مغربية .. وعلشان ميطلعش الشعر تانى تحت الجلد تعالى بعد الإزالة بكام يوم واعملى تانى المبرد على رجليكي بنفس الطريقة وان شاء الله الشعر هيطلع ومش هيبقا تحت الجلد تانى .. معلش بقا رغيت بس الفايدة حلوة والله ..