كيف تكسب في ظل عدم وجود إعلانات معينه كيف تكسب في ظل عدم وجود إعلانات معينه ؟؟؟؟؟ ..... المضاربة في الأسهم تتطلب منك الجرأة والتوكل على الله وطبعا فيه مؤشرات معينه تدل على ارتفاع السهم ولكن مو أكيدة... عند شرائك لأسهم شركة معينه لازم تشوف آخر 6 أيام من ناحية الافتتاح والأدنى والأعلى وحجم التنفيذ لاحظ أن حجم التنفيذ عالي جداً أي أن الناس مقبلين على شراء هذا السهم بكثرة ولأيام متتالية ولو نظرت إلى ال6 أيام قبل هذا الجدول لو جدت سعر السهم متذبذب..... كمثال من 66 إلى 70 ريال مما يدل على أن سعر 66 ريال مناسب جداً ......... ==================== وصول سعر السهم لنسبة ال10% ينبهنا بوجود مضاربه على السهم وهذا شي مشجع ويدل على ارتفاع في اليوم اللي بعده لكن يجب الحذر. لان اليوم اللي بعده عند افتتاح السوق قد يرتفع السهم ريالين أو 3 ريال ثم يعود السعر لمستواه الطبيعي وهذا الشي دايما يصير .. ================= كيف تدخل في المضاربة؟؟..............: - عندما يبدأ السوق تلاحظ مجموعة من الأسهم بدأت في الارتفاع ومجموعه اخرى بدأت في الانخفاض ..... ايش السبب؟؟ مافيه سبب معين سوى أن بعض الناس يشتري هنا وهناك والمضارب ما تهمه أرباح أو معلومات الشركة بدرجه كبيره لأنها مو شرط أساسي في ازدياد السعر ولكنها مهمة لإعطاء ملامح عن الأسهم اللي قد ترتفع فإذا نزل خبر عن شركه مو لازم تكون ملهوف على الشراء لان الشركة هذي قد لا يشتري فيها احد كون المضاربين يضاربون بالفعل على شركة اخرى لكن تترقب وتنظر إلى الشركات فإذا تعدت نسبة شركه ما نسبه 5 أو 6 بالمئه يصير أمر الشركة مريب بحيث قد تكون هناك مضاربه على السهم وعندها لازم تراقب السهم عن قرب وتلاحظ مستوى الطلب والعرض والكميات .... إذا لاحظت أن الطلب دائما يطغى على العرض اعرف انه فيه مضاربه وتوكل على الله واشتر بسعر العرض أو اقتنص بأقل منه إذا استطعت بفارق بسيط وعندها يبدأ السعر في الارتفاع ولازم تكون عيونك عليه حتى ما ينزل بصورة مفاجأة وأرضى دائما بما في اليد ولا تقول بنفسك الحين يمكن ترتفع وهي بالأصل تنزل لأنها أحيانا تنزل وتنزل وتخسر وتقول الحين بعوض الخسارة وترتفع وتنزل وتصير أنت الضحية.. =================== المضارب الجيد هو الذي لا يلتفت إلى نشاط أو اسم الشركة ولكن المهم فقط الربح بعيداً عن حقل البنوك طبعا لما فيها من شكوك حول شرعية التداول في أسهمها . لكن اللي يحرك المضارب هو حجم تداول السهم ومدى إقبال الناس عليه فكلما كثر حجم التداول كلما عرفت انه نشاط هذا السهم جيد بحيث تتم فيه عمليات البيع والشراء بسرعة يعني ارتفاع في سعره وطبعا الاعلى والأدنى مثل ما وضحت لكم. أما السهم فهو عبارة عن شهادة ذات قيمة معينه تسمى بالقيمة السمية بالسهم وغالباً ما تكون بسعر 50 ريال وكل شركه وأسهمها
كيف تبداء المضاربة على الأسهم مهم جدااااااااااااااا محد سأل نفسه وشلون تبدء المضاربه على السهم ؟؟؟؟؟؟؟؟؟؟ احيانا بالصدفه ولكن احيانا ثانيه تكون مدبره ........ مثلا .... مضارب مليونير او مجموعه من المضاربين بالاتفاق فيما بينهم يدخلون السوق ويشترون كل الكمية المعروضه مثلاً شركة معينه كمثال:- افضل سعر طلب = 20 وافضل كمية 2000 افضل سعر عرض 20.25 بكمية 5000 يشتري المضاربون كل كمية العرض فينتقل للربع اللي بعده فيصير الوضع كالتالي افضل سعر طلب = 20.25 بكمية 50 افضل سعر عرض 20.5 بكمية 10.000 ويشترون المضاربين كل كمية العرض فينتقل السعر للربع اللي بعده وهكذا يستمر المضاربون فيرفعون السهم ريالين او 3 ريالات ويتنبه المضاربون للي يحصل ويبدئون الناس في الشراء. عندها يتوقف المضاربون ( سبب المشكله ) عن الشراء ويصيروا الناس يشترون فيرفعون السعر الى 10%. عندها يبدء المضاربون (سبب المشكله) في بيع اسهمهم وغالبا ما تكون كثيره جداً فيبيعون بسعر الطلب حتي ينزل السهم ربع ريال وبعدها يبيعون للربع اللي تحته وهم طبعا كسبانين بكذا ولما يشوفون الناس ان سعر السهم بدء ينزل يبدئون هم بعد في البيع ويستمر البيع حتى يرجع سعر السهم لمستواه الاصلي. وهذا اللي يصير في ما سميته انا سابقا بفقاعة الصابون . ونصيحه :::: لا تشتري ابداً عند اقفال سهم شركه عند 10% بمعنى مثلا شركة وصلت لحاجز ال10% سعر سهمها 200 ريال راح يظهر الآتي افضل طلب 200 بكمية مثلا 100.000 افضل عرض 0 بكمية 00 اذا انت تابعت سعر السهم راح تلاحظ انه احيانا كمية الطلب تزيد واحيانا تنقص وهذا دليل انه فيه ناس تعرض بسعر الطلب وتبيع فتنقص الكمية ويأتي اخرون يطلبون وهكذا ...... فنصيحتي انك ابداً ما تطلب في هالوضع لان السوق لما يفتح المره اللي بعدها قد يتعرض فيه سعر السهم لهبوط مفاجيء مع الافتتاح لاي سبب ممكن وهذي تصير دائما ..... ونصيحه ......... لا تشتري ابداً بسعر الافتتاح لان سعر السهم قد يكون مرتفع عند اغلاق اخر مره ويفتتح السوق لينزل سعر السهم ويخسرك .... والافضل التعامل بالانترنت لان الانترنت اسرع بكثير من ناحية الطلب وتنفيذ الاوامر ......... واذا زرت الصاله راح تشوف ورقه طويله عريضه لازم تملئها وتقدمها للموظف المختص اللي عن طريقه يسوي لك الامر وهذي الطريقه راح تاخذ منك وقت ممكن خلاله تكسب ريال او اثنين لو انك مسويه خلال الانترنت. هناك اشخاص يربحون 3 او 4 مرات في اليوم الواحد لكن هالوضع نادر حسب حالة السوق وحسب نشاط الاسهم التي تشتري فيها. لكن هناك الكثير من يتمم عمليتين في اليوم الواحد وهذا سهل بأذن الله. واذا كانت هناك مضاربه على سهم معين فأنت تشتري وعندما تشعر بانتهاء المضاربه تبيع وقد تجد اسهم شركة اخرى عليها مضاربه فتشتري وتبيع وهكذا ......... واذا وصل سعر السهم اللي انت اشتريت فيه نسبة ال10% فانت موفق في الشراء وتتاكد حينها ان هناك تكملة لارتفاع سعر السهم باليوم الذي يليه .... ============= بالنسبة للمؤشر انا شخصياً لا اعلق عليه اهمية كبيرة الا اذا كنت شاري بمجموعه كبيرة من الاسهم..وفي عدة شركات. فارتفاع المؤشر يدل على انتعاش السوق وان الاسعار في ارتفاع والعكس صحيح اما كون المؤشر ارتفع فوق( ال500 او ال600 نقطه) واكيد تكون سمعت عن هالجمله بشكل كبير .. ذلك لانه الارتفاع أكثر للنقاط يعطي امان في التداول بحيث انه يدل على قوة السوق بقدرته على تجاوز هذه النقطه ولانها نقطة تحول لاسعار اعلى في المستقبل.