موضوع عجبنى جدا باحدى المنتديات وضحكت من قلبى والله
و قلت لازم اشارك حبايبى فى منتدى حواء الجميل عشان كلنا نضحك ونتبسط ونشوف الحالات دى يمكن تكونى واحده منهم .. ازيكوا يا أحلى اخوات النهاردة قررت أقولكم أسباب فقع مرارتى قبل كده كنت اتكلمت عن فقع مرارتى من الرجالة وبعدين فقع مرارتى من البنات المخطوبة النهاردة بقى هقوللكوا على أسباب فقع مرارتى من المتزوجات وخاااااااااااااااااصة البنات اللى متجوزة جديد او العكس الناس اللى متجوزة بقالها سنين طويلة لحد مانحست من الجواز ههههههههههههههههههه وده طبعا مش كل الحالات لان فى ستات متجوزين ما شاء الله عايشين زى الفل وربنا يديم عليهم حياتهم السعيدة ياااااااااااارب لكن برضو فى ستات عايزة الولعة وأكيد كلنا بنشوفهم وانا هحكيلكوا على اللى شفتهم او سمعت او قريت عنهم يعنى مثلا:
1-تلاقى الواحدة هتموووووووووووت على الجواز وخلاص بقى فرحها قرب وهى مستنية اليوم ده بفارغ الصبر وهووووووووووووب لقت نفسها بقت متجوزة وست بيت وهو يا دوب يعدى أسبوع عسل (ماهو الراجل وراه شغل برضو والا هيقضوها لحد اخر الشهر ياكلوا ظلط) المهم بعد أول أسبوع تلاقيها بقت لاجئة فى بيت أبوها وتروح على النووووووووووووم ودى والله شفتها بعينى كتييييييييييييير ومن ناس قرايبى مش حد غريب الراجل لا حول له ولا قوة ماهو مش عايز يزعل العروسة تقولله انا زهقانة من قعدة البيت هاروح أقعد عند ماما وانت لما تخلص شغل عدى عليا نروح سوا فالراجل يا عينى ميبقاش حاسس انه متجوز ست دى ست أشهر
2-تلاقى برضو البت بتموووووت فى خطيبها وناقص تجيبله هشام الجخ يقولله شعر عشان يعرف انها بتحبه وتقول امتى بقى هابقى مع جوزى حبيبى فى بيت العز يا بيتنا وتيجى تتجوز وهووووووووووب تلاقى نفسها فى أوضة مقفولة مع واحد كأنها أول مرة تشوفه وكما يقال يعنى ( انها والله أعلم خير اللهم أجعله خير) ششششش فى سركوا....ليلة الدخلة وفجأة تتحول الأوضة الى غابة وجوزها الى أسد الغابة ههههههههههههههه وهى يا عينى الفريسة الضعيفة وفجأة تخاف انه يلمسها ولا حتى يقربلها وتفتكر بقى كل العبط اللى سمعته من أصحابها اللى عايزين يخربوا عليها ودى تقوللها ده انتى هتحسى بوجع عمرك ماحسيتيه فى حياتك ودى تقوللها ده انتى هتحسى بسكاكين بتقطع فيكى ودى تقوللها ده هيطلع عينك وهاتبقى لحظة صعبة ولوك لوك لوك كل ده شغال فى مخ العروسة المجنونة والراجل يا عينى قاعد يهدى فيها ييجى يبوسها تديله قلم يلزقه فالحيط طب حضن طيب تديله شلوت يرجعه جمب أمه تانى وتفضل على الحال ده وعياااااااط وصويت كأنه وحش هياكلها وكأنها أول واحدة يحصل معاها كده والراجل الغلبان مستنى لحظة فتح عكا ماهو عريس بقى
وفين وفييييييييييييين بعد عذاب وكلام من اهلها تتعطف وتتكرم عليه وتبقى اول واحتمال اخر مرة يحصل فيها كده وتبتدى بقى المشاكل وممكن والله يعيشوا أتعس حياة بسبب اليوم المنيل ده ودى طبعا مش ست دى ست أشهر
3-واحدة بقى تلاقيها بتغير على جوزها من طوب الأرض مش عوزاها يقول للناموسة هش لمجرد انها انثى عايزاه يمشى جمبها زى مايكون متجبس ولا مدهون نشا ولو واحدة سلمت عليه بحكم القرابة ولا أى حاجة كده صدفة يعنى يالهوىىىىىىىىىىى تفضل تهرى وتنكت وتتشال وتتهبد وتقلبه يوم منيل بنيلة على دماغه والراجل يفضل يهدى فيها وهى أبدااااااااااااااا وممكن تقولله طلقنىىىىىىىىىىىىى يا عبدو والا هولعلك فى نفسى واخر مالراجل بيزهق بيسيبها تتفلق ويتعمد يعمل كده عشان يغيظها وكل ده من ايه من غباء الست وعدم ثقتها فى نفسها بالذمة دى ست دى؟ دى ست أشهرررررررررر
4-تلاقى برضو الست متجوزة وباينة قدام جوزها انها ملاااااااااااك وناقص يطلعلها جناحين وغطا حلة فوق راسها وتطير فى السما وتفضل تحب فيه وتضحكله وأول ماتبقى لوحدها جررررررررى على التليفون تكلم مامتها ولا صاحبتها وتبتدى بقى تحكى: ياختى جاته ستين نيلة قطعت الرجالة وسيرتهم كاتم على نفسى ومش عارفة اتحرك ولا اعمل حاجة طول ماهو فالبيت الهى يرزقه ببقرة حولة تنطحه وهو مروح من الشغل وأول ماتسمعه بيفتح الباب أهلاااااااااااا حبيبى ثوانى ويكون الأكل جاهز مع السلامة يا ماما دلوقتى عشان جوزى حبيبى جه وهى كده من جواها(
) بقى دى ست دى؟ دى ست أشهر
5-واحدة بقى متجوزة ولسة ربنا مرزقهاش بأطفال وطبعا جوزها فالشغل وهى زهقانة من القعدة لوحدها طول النهار وأول مالراجل ييجى هووووووووووووب تركب فوق ودانه ولك لوك لوك لوك وأم أحمد اشترت كرنباية النهاردة ولقت قلبها فاضى وأم عبده جاتلى قعدت معايا وجابتلى اتنين كيلو سكر الأسرة وهاتك يا رغى والراجل جاى من المواصلات والزحمة والدوشة ومش طايق نفسه ان هى ترحمه تشفق عليه تتكرم عليه وتتكتم أبداااااااااااااااااا بقى دى ست دى دى ست أشهر
6-واحدة كل ماجوزها يطلب حقه الشرعى منها اللى هو المفروض انه ربنا محللهوله وهو متجوز عشان يعف نفسه بيها تفضل تتدلع وتقولله لألألألألألألألألألألألألأ أصل عندى ظروف لألألألألألألألألألألألأ أصل عندى مغص فى حواجبى لألألألألألألألألألألألألألألألألأ أصل شعر ودانى بيقع لجوا وكل ده دلع واستهبال مش لسبب انها تعبانة فعلا ومن طبيعة الراجل ان المشكلة دى لما تحصل الحياة بتتقلب جحيم وميبقاش طايقها وده حقه ورد فعل طبيعى منه وتيجى بعد كده تقول الراجل مش طايق يسمعنى وسهران طول الليل برا ماهو من عمايلك السودا بقى انتى ست انتى ده انتى
ست أشهر
7-واحدة يبقى شغل جوزها كله بالليل فبيروح الفجر او بالليل متأخر وطبعا مروح بقى لمراته حبيبته وبيته اللى هيرتاح فيه يروح يلاقى ميييييييييييييييييين يلاقى عبد العال نايم فى السرير وكل شعرة رايحة فى حتة وجلابية التنضيف منورة السرير والكحل ملحوس تحت عينيها وريحة البصل والتوم ما شاء الله مفحفحة لما هججت سكان العمارة منها وأول مايفتح النور أهلا انت شرفت يا سبعى والنبى ياخويا تقفل النور لحسن انا تعبانة وطول اليوم بنضف وبغسل وبكوى وبحمى عيالك غلبونى ولا ياخويا المسيح ياختىىىىىىىىىىى ضهرى اتقطم معلش بقى عندك الاكل فى التلاجة طلعه سخنه وهتلاقيه زى الفل اقفل بقى النور خلينى انام حرام عليك وطبعا الراجل ممكن يجيله شلل نصفى من هول المفاجأة
بقى دى ست دى؟ دى ست أشهر
8-واحد كمان يروح من شغله الساعة 4 العصر أول مارجليه تعتب باب الشارع يسمع وصلة الردح انت يا واااااااااااااااااااااااااد يخربيتك طلعت عينى يا واد افتح بؤك خلينى أأكلك واخلص ابوك زمانه جاى يا ولااااااااااااااااااااا انزل من على سور البلكونة هتقع تتفتح دماغك معناش فلوس نخيطها منكوا لله جننتونى وعاااااااااااااااااااااااااااااااااااااااااااااااا اا ويدخل المغلوب على أمره يلاقى البيت مش باينله وش من قفا وأمنا الغولة بتجرى ورا العيال وبرضو بيجيله صدمة زى زميله اللى فات ويعمل كدهوه
وممكن قبل مايدخل الشقة يعمل للخلف در وينزل تانى وطبعا دى مش ست دى ست أشهر
9-واحدة بقى عاملة نفسها راجل جوزها يقول كلمة تقول هى عشرة وعاملة راسها براسه وواخداها عند وانه محدش يمشى كلمته عليها يقوللها عايز اشرب تقولله ماتقوم ياخويا تشرب هو انا ماسكة بقك طب زرار القميص مقطوع ماتقوم تخيطه هو انت اتشليت طب عايز غيار عشان ادخل استحمى ماتقوم تجيبه من الدولاب هو انت اتكسحت خالتى نبوية دى اللى ظلموها وقالوا عليها ست ويا اما يطلقها يا اما يتجوز عليها بقى بالذمة دى ست دى دى ست أشهرررررررررررررررررررررررر
وفى نهاية كلامى بقوللكوا مرة كمان دى نماذج كلنا بنشوفها لكن مش الكل كده واكيد الحواءات مش كده خالص احنا بنقول على الناس الوحشين التانيين ههههههههههه