تصرفات بنات الفيسبوك اثناء الحب وبعد الصدمة
الناقل :
SunSet
| الكاتب الأصلى :
emmy
| المصدر :
www.konyonsa.com
أثناء حالة الحب
- هتلاقي صورة البروفايل دايما فيها حاجه حمره يا قلب يا ورده.
- دايما اوف لاين , لدرجة انك لو تعرفها هتفتكرها هاجرت من الفيس وراحت تويتر او تاجد.
- الإستيتس بتاعتها بتكون دايما " كلمات أغاني رومانسيه مووووت" غالبا لـ إليسا.
- ولو مشتركه فى صفحات او جروبات بتظهر فى صفحه منهم كل يومين تلاته وكل ردودها بتكون يا "ضحكه مع لول" يا إما "ميرسى مع لايك".
- وطبعا هتلاقى عندها 30 طلب صداقه متعلقين وهى ولا بتبص عليهم.
نيجى بقى بعد الصدمة العاطفية
- هتلاقيها مبدئيا حاطه صوره مكتوب عليها " فوكك منى".
- وهتلاقيها دايما اونلاين ومستنيه أى شاب يقولها "هاى" علشان تقوله "هنستظرف"!!؟
- الإستيتس بتاعتها هتبقى دايما على شاكلة " بلا حب بلا بطيخ ".
- والكومينتات بتاعتها بتكون غالبا فى كل الصفحات والجروبات اللى هى مشتركه فيها و بتكون مكونه على الأقل من 10 سطور نص الكلمات اللى فى الكومينت بتكون "محدش يستاهل , سيبك منه , كلهم زى بعض , واحيانا كلمة طز ".
- ولو دخلت على البروفايل بتاعها هتلاقيها بقت صديقه مع الـ 30 طلب صداقه اللى بقالهم شهر متعلقين.
وده يأكدلنا ان الحب زى المرجيحة يوم تحت وفوق