اسمعى بقى يا اختى انتى وهيا كام نصيحه كدا ع السريع واهو برده اسمها بجـِــــميله ولو ان اخرت المعروف الضرب بالكفوف اى بنت فى اولى كليه السنة دى هتسمع كتير اوى فى اول شهر من الكلام اللى جاى ده : 1- لو سمحتى ممكن اصور المحاضرة؟ و هيكون بيتكلم بصوت واطى و ابتسامه بريئة , و ده من الاخر لا عايز يصور محاضرات و لا بتاع .. عايز يجر كلام و السلام , و على فكرة كان ممكن يكتبها او يصورها من اى ولد تانى .. بس هو حوارنجى !! 2- صباح الخير .. انتى معانا فى السكشن صح؟ ماتعرفيش هو المعيد اسمه ايه؟ عشان عايز اروح له مكتبه ؟ و ايا كان ردك .. اجابته هتكون : طب ايه رأيك فى الماده؟ و يفتح حوار كبببببير اوى بعد كده! 3- لو سمحتى المكان ده فاضي؟ و ده مش هيتكلم معاكى فى اول 5 دقايق و هيبين جديته فى المحاضرة او السكشن.. و هيكتب كل كلمه بتتقال .. بعد كده هتلاقيه بيقولك : لو سمحتى ممكن قلم؟ لو سمحتى هى المحاضرة دى تخلص الساعه كام؟ تييت تييت تييت .. او هتلاقيه عمال يرمي نكت و يألس على كلام الدكتور .. و خلى بالك لو ضحكتى على اى حاجه بيقولها هتلاقيه بص لك و ضحك و وييييك ويييييك ويييييك .. و اما يشوفك تانى هيسلم عليكي و خلاص انتم كده بقيتم صحاب !! 4- هاى .. انا ترتان الترتانى .. اتحاد الطلبه .. لو احتجتى اى حاجه اديني خبر و ده مابيكونش اول سنة فى الكليه .. بيكون قديم و جاى يظبط من بنات سنه اولى .. و اعرفى انه لو كلمك يبقى انتى جامده و عجبتيه .. لان الصنف ده مابينقيش اى حاجه .. لازم حاجه تمام 5-احنا اسرة ( التيت و الشريط ) و يشرفنا انضمامك لينا لو قال كده و مشي .. يبقى الواد ده كويس لو فتح حوارات .. شوفى طريقه كلامه هتكون ايه .. بعد كده قرري ايه ظروفه 6- لو سمحتى , انتى ليكي اخت اسمها ياسمين؟ و ده حوارنجى و باين اوى عليه .. يفضل الرد يكون : اه.. انت تعرفها؟ حتى لو مالكيش اخت اسمها ياسمين !!!! و شوفى بقى البرنس هيكمل يقول ايه ! 7- لو سمحتى معاكي (تشارجر اى فون) فى العربيه ؟ و ده مش هيكلمك الا لو كان معاكي عربيه .. و تقريبا هو كمان هيكون معاه .. و من الاخر هيكون عايز يحط عربيتك على عربيته .. و يا بخت من وفق عربيتين فى الحلال !! ردى عليه قوليله : و انت عرفت منين انى معايا اى فون؟ و شوفى هيقولك ايه .. غالبا لو اتحرج و معرفش يرد , يبقى بيحور .. لو اتكلم بثقه .. يبقى فعلا محتاج شاحن اى فون ! 8- فوقى لمذاكرتك يختى انتى وهى احنا مش داخليين نهزر انجحى الاول بعدين هزرى ع'ـظيـــــــــــــــــــــــــــــــــــم