ازيكم يا بناويت يا حلوات يا عسولات مش هتلاقوا حد يدلعكوا غيري المهم هدخل في الموضوع ع طول علشان شكلكم هتضربوني فيه واحدة صاحبتي من يجي اسبوعين كده اتقدملها عريس وهي كانت مزقططة اصلوا مش اي عريس دا كان مسافر برا وعنده عربية وهيجيبلها شبكة مجاتش لحد وفرح بردو متعملش لحد بس شرطه انها مش تلبس الحجاب الشرعي لانها بتلبس بناطيل وبتحط ميك اب وهي خارجة كده يعني هو مش معترض خاااااااااالص ع لبسها و لا شكلها ... قولتلها فيه راجل في الدنيا ميتمناش ان يشوف اللي هيرتبط بيها متحجبة ومحدش يشوفها غيره .. جالها وشافها وعجبته وعجبها ... فا أنا ايه جيت امبارح بسألها مش هتتخطبي عاوزين نفرح .. قالتلي لا فركششششش قولتلها أنا ع فكرة قايلالك انه مش متظبط من الاول والموضوع ده مش داخل دماغي بمليم قالتلي اصلهم اتفقوا وكان الاتفاق . . . . . . . . . . . . . انه هيفرش الشقة من الألف للياء زي ما بيقولوا يعني كلللللللللل حاجة سواء خشب او فرش او مطبخ يعني شقتها تبقا جاهزة من مجاميعه وهي متجيبش حاجة غير شنطة هدومها بسسسسس بس بشرط ميتعملهاش قايمة ( يعني الحاجات اللي بتبقا في الشقة بتتكتب في ورق والعريس بيمضي عليه كضمان ليكي لو لقدر الله حصل حاجة تبقي ضمنتي حقك ) يعني يوم مهيحصل لا قدر الله حاجة يبقا هيا ملهاش اي حقوق عنده لا شقة و لا مقدم و لا مأخر و لا أي حااااااااااااجة خلقها ربنا .. يعني يلا يا شاطرة ع بيتكم ملكيش عندي حاجة ... ولو وحدة عبيطة وافقت يبقا تستاهل كل اللي يجرالها انا سامعة وحدة هناك اهي بتقولي هو حد لاااااااااااااااااقي عرسان اليومين دول انتي تسكتي خااااالص مسمعش نفس انا مش بحكي اللي حصل علشان تقولوا يا عيني و لا تعزونا في حالنا كل الغرض من الموضوع ده اني عاوزة اشوف رأي البنااااااااااااااااات و هل ممكن وحدة منكم توافق عن التنازل عن حقوقها لمجرد شكليااااااااات قدام الناس والمضمون مفييييييييش و كمان عاوزة رأي الشبااااااااااااب هل انت ممكن تعمل كده في يوم من الأيام ولو عملت كده هيبقا ايه اسبابك ودوافعك اللي خليتك تعرض عليها العرض ده ؟؟؟ مستنية أرائكم و تفاعلكم مش منقول :p