السلآم عليكم ورحمة اللهـ وبركـآتهـ اليووم جـآيبلكم قصــهـ جميلهـ ومسليهـ وهي قـصــة الببغآء وصآحبهـ الغبي كان فيهـ واحد " على نياتهـ " .. جرّب يستثمر أموالهـ ! وكان عنده ببغاء يتكلم .. لكن مشكلة الببغاء .. إنهـ كل ما شاف راعيهـ قال : ياغبي .. يا غبي .. يا غبي ! .. راعيهـ ضاق صدره ... وقرر ياخذ الببغاء لمدرب الطيور علشان يعدّلهـ ... يا مدرب الطيور .. شف لكـ صرفــهـ مع هذا الببغاء .. كل ما شافني فشلني عند الناس غبي ، غبي " ! أبيكـ تدربهـ زين وتعدّل كلامهـ .. علشان يغيّر هالكلمات اللي يرددها كل ما شافني قال المدرب : ما عليكـ .. خلّهـ عندي كم يوم .. ولما راح راعيهـ .. جاب المدرب " سطل " مويهـ حــآآآآر .. وحطهـ قدامهـ .. وسأل الببغاء .. أنا مين ؟! قال الببغاء : أنت صديق الغبي ! .. وينزلهـ المدرب في المويهـ الحآآآآره ثم يطلّعهـ .. ويسألهـ . انا مييييين .. قال : أنت صديق الغبي .. وينزلهـ في المويهـ مرة تآنيهـ .. ثم يطلعهـ .. أنا مين ؟ .. وعلى هالحال .. حتى تربى الببغاء وتسنّع .. أخيرآ .. قال لهـ المدرب .. أنا مين ؟! قال الببغاء : أنت صديق أذكى واحد في العالم .. ويوم جــآآ راعي الببغاء .. قال المدرب : تفضل اسألهـ ... قال راعي الببغاء .. : أنا مين ؟! قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفتهـ في حياتي ! قال لهـ راعيهـ : .. طيّب .. وإذا لعبت بفلوسي على كيفي ؟! قال الببغاء : .. هذي فلوسكـ .. من عرق جبينكـ .. تسوي فيها اللي تبي .. قال : طيّب .. إذا دخّلت فلوسي عند " هابتكو " ؟! قال الببغاء : ممتاز .. حركهـ استثماريهـ في غاية الذكاء .. ومن أذكى واحد في العالم .. : طيّب .. وإذا دخلت فلوسي عند " الجمعيهـ " ؟ .. : طبيعي .. تنويع استثماري .. من أذكى واحد في العالم ! : طيّب .. وإذا دخلت فلوسي عند " ابن حسن " ؟.. : ذكاء خارق .. وماشي مع الحكمهـ اللي تقول " لا تحط البيض في سلهـ واحدة " .. فعلا أذكى واحد في العالم ! : طيّب .. وإذا دخلت فلوسي عند " العيد " ؟ .. : عادي .. وزي ما يقولون " حشر مع الناس عيد " .. صحيح إنكـ أذكى واحد في العالم .. : .. طيّب .. وإذا دخلت فلوسي في الأسهم ؟! قال الببغاء : يا عمي هاااات المويــهـ ! .. قايلّكـ هذا أغبى وأثور وأدبش واحد في العالم