ملخص لآعلامنا الرائع الأن !!!!

مسيحى داس علي قشرة موز واتزحلق ورجله انكسرت

سأل مين اللي رمى الموزة دي؟

الرد: ...ده الواد بولس

... ... ...

طيب مين اللي اداله الموزة

الرد: ابوه عم جرجس

طيب منين اشتري الموز؟

الرد: من عند حنا الفكهاني

اممم طيب حنا الفكهاني بيتعامل مع اي تاجر؟

الرد: بيتعامل مع مايكل من شبرا

طيب مايكل بيتعامل مع انهي تاجر

بيتعامل مع الشيخ أحمد السلفي

♫

يا نهار اسود السلفي كان هيموتني

المصري اليوم : سلفي يكسر رجل مسيحي فى شبرا

الشروق : مسلسل الفتنه لازال يضرب بمصر

الأهرام : إرحموا مصر

الدستور : نار الفتنه تحرق جسد مصر العارى

الجمهورية : سلفى يفتك بمسيحى فى شبرا

مني الشاذلي: تلبس اسود بيليق عليها عشان هى بيضة قوى وتستضيف خبير استراتيجى

هالة سرحان: حرام عليكم ياجماعة مش معقول كدة

عادل حمودة: يجيب صورة من قنبلة هيروشيما ويقولك الموزة انفجرت في وشه

يسري فودة يقولك انه قدر المسيحين (الموز عليهم حق)

بلال فضل: اعتقد ان الشجرة اللي اكل منها ادم وحوا كانت شجرة موز وان الموز رغم كل اللي عمله هيدخل الجنة.

عمرو الحمزاوى: لدية اربعة اسباب لتلك الظاهرة بيعدهم على صوابعة

معتز الدمرداش: يفتح بقة مشدوها مبهورا كالعادة بأن فيه موز في مصر

ريم ماجد: تربع ايديها وتبتسم وتبربش بعينها ومش عارفة تقول اية ولا اية

اما الاعلامى توفيق عكاشة: فهو عارف السر وسوف يرسلة للنائب العام

مثال ملخص لآعلامنا الرائع الأن !!!!!!