السلام عليكم ورحمة الله وبركاته فى رمضان اللى فات شفت طريق الرز دى مع الشيف طارق وجربتها اخر رمضان عند ماما وعجبتهم جدا وحبيت اقولكم على الطريقة عشان تتشجعو وتجربوه لانه حكاية. هو ليه خطوتين: اولا:تجهيز المازاليكيا ببساطة بنجيب بصل يتشوح فى سمن وبعدين توم مفرى وبعدين نجيب قلب وكبد وكلاوى بتلو متقطعة وتضاف للبصل والتوم وتتشوح شوية كمان وبعدين نضيف الفلف الحراق وملح وفلفل وبهارات مشكلة ونخفض النار ونسيبها لحد اما تستوى. ثانيا :تجهيز الرز نجيب حلة تقيلة ونحط فيها ملعقتين ماء مع ملعقة كبيرة سكرونراقبه لحد اما يتحول لكراميل وبعدين عشان نوقف الحرق بتاعه نضيف بصل مقطع ويتقلب بسرعة وبعدين نضيف فصين توم مفرومين ويتقلب تقليبة واحدة عشان تبان الريحة وبعدين نضيف الرز المصرى المغسول ويتفلفل شوية ونضيف بقى ملعقتين صلصة +ماء اوشوربة+رشة قرفة+رشة قرنفل +فصين حبهان+ملح وفلفل ويتغطى لحد اما يستوى. نقدمه ازاى بقى؟ يتفرش الرز البنى فى طبق التقديم ويترص عليه المازاليكيا بشكل حلو وبعدين يترش عليه رشة قرفة وبابريكا وممكن نقطع فلفل حراق ونرشه عليه كمان. وبالهنا والعافية ومتنسونيش بالدعاء.