بتـــــاريخ : 8/3/2012 11:27:25 PM
الفــــــــئة
  • الأســـــــــــرة
  • التعليقات المشاهدات التقييمات
    0 1873 0


    ماسك اللانولين للبشرة الجافة و التجاعيد

    الناقل : فراولة الزملكاوية | العمر :34 | الكاتب الأصلى : tebasel | المصدر : tebasel.com

    كلمات مفتاحية  :

     

    لانولين

    الماسك ده للبشرة شديدة الجفاف واللي فيها تجاعيد؛ لأن اللانولين من المواد القوية لتليين البشرة الجافة، وكمان عسل النحل زي ما كلنا عارفين مفيد لكل أنواع البشرة، كمان زيت الجوجوبا مفيد جدا للتجاعيد؛ لأنه بيحتوي على نسبة كولاجين عالية ودي مهمة للبشرة ولما بتفقدها مع السن بتظهر التجاعيد، يعني مهم أوي إن بعد سن 35 نبدأ نستخدم ماسكات وكريمات مرطبة جدا، وتكون بتحتوي على فيتامين E وعلى نسبة عالية من زيت الجوجوبا اللي بيحتوي الكولاجين، ودي من القواعد اللي بتخلي البشرة شباب لفترة أطول.

    المكونات:
    1/ 4 ملعقة صغيرة لانولين
    ملعقة كبيرة زيت جوجوبا
    ملعقة صغيرة عسل نحل

    الطريقة:
    هناخد اللانولين ونسيّحه كويس على النار وبعدين نحط عليه زيت الجوجوبا وعسل النحل، وممكن نحطّ شمع العسل لو فيه، ونقلبه كويس أوي بعيد عن الحرارة.

    هنستخدم الماسك ده للإيدين والبشرة والجسم، بالنسبة للبشرة والجسم ممكن نحطه لمدة ساعة وبعدين نشطفه بالميه، أما للإيدين ممكن نسيبه على الإيد وننام بيه هتحسي بفرق كبير جدا بعد ما تصحي.

    كلمات مفتاحية  :

    تعليقات الزوار ()